Cwricwlwm Bl.7

Cyflwyniad i Gwricwlwm Blwyddyn 7

Yma yn Ysgol David Hughes rydym yn selio cwricwlwm blwyddyn 7 o amgylch 6 Maes Dysgu a Phrofiad: Iechyd a Lles; Y Celfyddydau Mynegiannol; Y Dyniaethau; Gwyddoniaeth a Thechnoleg; Ieithoedd, Llythrennedd a Chyfathrebu a Mathemateg a Rhifedd.

Mae’r wybodaeth, sgiliau a phrofiadau a gaiff ein dysgwyr o fewn y meysydd hyn eu harwain tua’r pedwar diben o fod yn:

• ddysgwyr uchelgeisiol a galluog sy’n barod i ddysgu gydol eu bywydau
• gyfranwyr mentrus a chreadigol sy’n barod i chwarae rhan lawn mewn bywyd a gwaith
• ddinasyddion egwyddorol a gwybodus sy’n barod i fod yn ddinasyddion yng Nghymru a’r byd
• unigolion iach a hyderus sy’n barod i fyw bywyd cyflawn fel aelodau gwerthfawr o gymdeithas.

Mae datblygu sgiliau Cymhwysedd Digidol, Llythrennedd a Rhifedd yn greiddiol i’n gwaith a rhinweddau fel dyfalbarhad a dysgu’n annibynnol yn cael eu hyrwyddo ymhopeth a gwnawn.  Yn ddiweddar, rydym wedi datblygu ein defnydd o ddysgu cyfunol gan wneud y gorau o dechnoleg pwrpasol i sicrhau’r profiadau dysgu gorau.

Mae’r dysgwyr yn gweithio mewn grwpiau gallu cymysg gyda ffrindiau gan sicrhau eu bod yn hapus a’n llwyddo yn yr ysgol.